O vindeiro venres 13 de xuño, o Paraninfo da Universidade de Santiago de Compostela, situado na Facultade de Xeografía e Historia, acollerá a xornada científica “Boas prácticas para un turismo sustentable en Santiago de Compostela”.
A actividade está organizada polo Instituto de Estudos e Desenvolvemento de Galicia (IDEGA) da Universidade de Santiago de Compostela en colaboración co Concello de Santiago, no marco do Plan de Sustentabilidade Turística en Santiago de Compostela.
A entrada é libre ata completar capacidade.